Eskola Bidea haurren autonomia garatu nahi duen egitasmoa da; haurrak eskolara bide seguruetatik, bakarrik eta oinez joatea sustatuz eta erraztuz. Era berean sozializazio aukerak sortu eta etorkizun baterako ohitura osasuntsuak finkatzen dira.
Eskola bideen eraikuntzan, hezkuntza eragile guztiak inplikatzea oinarrizkoa da. Horregatik, parte-hartzeari garrantzi berezia eskainiz, hezkuntza komunitatea proiektuaren erdigunean jartzen dugu: umeak, gaztetxoak, hezitzaileak, gurasoak, auzokideak…
Eskola Bidea proiektuaren nondik norakoak ezagutu eta guztion artean Eskola bide egokienak irudikatu eta lantzen hasteko, otsailak 20an (asteartea), 18:30ean, antzokian egingo dugun aurkezpenera gonbidatzen zaituztegu. Helduei dagokienez, aurkezpen hau ikasturte honetan burutuko den lehen fasearen (diagnostikoa, bideen proposamena eta froga pilotua) lehen saioa izango da.