Hilabete pasa da lehenengo formazio saioa burutu zenetik. Aurrekoan gatazken gaiari modu orokorrean heldu zitzaion, bigarren saio honetan, aldiz, heldu-haur harremanetan gatazkak sortzen direnean hartzen diren neurrien ondorioen gainean hausnartuko da.
Ane Ablanedo Larrion, psikoterapia eta neurosiaren prebentzioan aditua, irakaslea eta UEUko kidea izango da formatzailea. Saio teoriko-praktikoa eskainiko du, bakoitzaren esperientzietatik abiatu eta praktika egokietarako klabeak ateraz.
Plaza kopurua mugatua egongo da, beraz, beharrezkoa izango da parte hartzeko izena ematea udaletxeko harreran (09:00-14:00), telefonoz (943753043) edo online esteka honen bidez: izena eman
Hezkuntza Proiektuak koordinatzen duen egitasmoa da Eskola Herritarra, ekarpen edo zalantzarik izanez gero jarri gurekin harremanetan: soraluzehezkuntza@gmail.com
NOIZ: Maiatzak 9, 18:30-21:00
NON: Herriko Antzokian