Hilabetean behin herritarrei formakuntza eskaintzea helburu duen egitasmoa da Eskola Herritarra. Soraluzek herri hezitzailea izateko ezinbestekoa du herritarren ahalduntzean aurrerapausoak ematea eta horretarako tresna izan nahi du Eskola Herritarrak.
Pertsonen garapen integrala helburu izanik, hurrengo hilabeteetan hainbat gai landuko dira, hala ere, lehen pausoa herritarren behar eta nahiak zein diren ezagutzea izango da. Horretarako, Otsailaren 7an, 18:30tan, Udaletxeko pleno aretoan egingo den asanbladara joateko deialdia zabaldu da, edonork inongo konpromesu gabe parte hartu dezake eta iritzi guztiak ongi etorriak izango dira.
Abenduan sarean zabaldu zen inkesta erabiliko da oinarri gisa, nahiz eta asanbladan ekarpen berriak egiteko aukera egongo den, galdetegiaren emaitzak kontuan hartuko dira. Otsailak 7 arte inkesta (laburra) osatzeko aukera dago. inkesta
Herrixak Hezi!
ESKOLA HERRITARRAREN I:ASANBLADA
NOIZ: Otsailak 7, asteartea.
NON: Udaletxeko pleno aretoan