Herriko Enparantzan egitekoa zuten saioa, baina euria hasi zuen bete-betean, eta plaza bueltako aterpeetara mugitu behar izan zituzten kirolerako erreminta guztiak.
Frontoian jardun zuten lokotx batzen, zakua eroaten eta giza-probetan; udaletxeko atarian jarri zuten ingudea, eta Herriko Enparantzako etxeepetan jardun zuten txikiek, hainbat modalitatetan. Herri-Kirol federazioko lagunak eta Mutrikuko sokatira taldekoek ere jardun zuten umeei laguntzen, eta bukaeran, saioan parte hartu zuten umeen kontrako tiraldia ere egin zuten mutrikuarrek.
Amaieran, parte-hartzaile guztiek ogitarteko eta freskagarri bana jaso zuten, Arno guraso elkartekoen eskutik.