Santa Ana kaletik azaldu zen Aita Santua, arratsaldeko zazpiak aldera, inguruan mozorrotutako hogeitamarren bat lagun zituela: zanpantzarrak, poxpolinak, deabruak, beraneanteak... Plaza Zaharretik zehar buelta egin zuen eta Gaztetxe parean Galtzagorri jai batzordeak eskaini zien merienda jan zuten.
Parean topatu plaentxiarrak jaietara gonbidatu zituzten. Aurten, beste urte batzuetan egin izan duten moduan, astebetez atzeratu dituzte jaiak, jendea oporretatik bueltan etorri eta jaietan parte hartze handiagoa izan dadin. Zortziak aldera, bizikleta gainean jarri eta Osintxurako bidea hartu zuten berriz.
