Sora "A"k 1-2 hartu zuen mendean Tolosa eta sailkapeneko 6.postuan dago. Sora "B"k erakustaldia eman zuen etxean Arizmendiri 6-0 irabazita eta Jubenilak igoera faserako sailkatzea lortu dute Urki-ri 5-0 irabazita.Gorengoen erregional maila (Sora A)
Emaitza: Tolosa 1-2 Soraluze
Goleatzaileak: Asier Pando (1) eta Jon Casado (1)
Sailkapena: 6. 22 punturekin (5. narekin berdintuta , Bergarekin)
1go Erregional maila (Sora B)
Emaitza: Soraluze 6-0 Arizmendi
Goleatzaileak: Mikel Uriguen (2), Argoitz Ariznabarreta (2), Borja San Jose (1) eta Ander Sanchez (1)
Sailkapena: 4. 16punturekin
Gol zaparrada zapatuan Ezozin
Soraluzeko taldea gol aukerak sortzeko makina bihurtu zen zapatuan etxekoen aurrean Ezozin. Partidua hasi eta 11 minututara egin zuen lehena Uriguenek (1-0). 20. minutuan egin zuen Argoitzek bigarrena korner bat aprobetxatuta (2-0). 27.minutuan Raul-ek izan zuen aukera Ojearen erdiraketa errematatuz. 38. minutuan kanpokoen gol aukera garbi bakarra atera zuen marratik Ojeak. Lehen zatiko azken aukera Uriguenek izan zuen Raul-en erdiraketa batean.
Bigarren zatian hildo beretik joan zen partidua. Soraluze indartsu aurrean presionatzen eta aukerak sortzen eta Arizmendi ezinean. Hasi eta berehala 3. minutuan egin zuen Uriguenek arratsaldeko hirugarrena "Txatok" ateratako korner batean (3-0). 13. minutuan Aritz-ek boleaz jaurtiketa ona areaz kanpotik baina atezainak bikain erantzun zuen. 40.minutuan aurkarien huts bat baliatu zuen Borjak abiada bizian areara sartu eta baloia sarera bidaltzeko (4-0). 44. minutuan Argoitzek bere bigarrena egin zuen ateari bizkarra emanaz buelta erdia emanda (5-0). Luzapenean biribildu zuen partidua Anderrek partiduko azken gola sartuta (6-0).
1go jubenilen maila
Emaitza: Soraluze 5-0 Urki
Goleatzaileak: Imanol Etxeberria (1), Mauricio Romero (1), Jaime Gabilondo (1), Koldo Aragon (1) eta Ander Astigarraga (1)
Sailkapena: 3. 20punturekin
Jubenilak igoera faserako sailkatu dira
Soraluzek irabazi eta Urolak ez irabaztea zuten aukera bakarra igoera fasea jokatzeko. Soraluzek 5 sartu zizkion Urkiri eta Urolak ezin izan zuen Zestoa mendean hartu eta beraz, herriko jubenilek igoera fasea jokatuko dute.
Victor entrenatzailearekin hitz egiteko aukera izan dugu eta esan digu jakin badakitela igoera fasean oso talde onak daudela baina helburu nagusia igoera fasean konpetitzea izango dela. Lehenengo zer esana emateko borrokatuko dute eta gauzak ondo badoiaz hasiko direla amesten esan digu. Taldeari dagokionez aipatu du ilusio handiarekin dagoela taldea eta igoera faseko erronka gogotsu hartuko dutela.
Ikusi jubenilen eta Sora "B" taldeen partiduetako irudiak/argazkiak: Jokin Ruiz