Kronika/Gaizka AzkarateTaldea: SORA A (Preferente gorengoen maila)
Jardunaldia: 6.a. Zapatua, urriak 24.
Emaitza: MONDRAGON C.F 2-1 SORALUZE C.F.
Sailkapeneko postua: 4. Puntuak: 13
Arrasateko jokalariak epaileari denbora eskatzen amaitu zuten partidua.
Epaileak txistua jo baino lehen hasi ziren gauzak okertzen Mojategi futbol zelaian (Arrasate). Epailea eta bi marrazainek epaitu behar zuten partidua baina marrazainetako bat ez zen azaldu.
Partidua hasi eta berehala Arrasateko taldeak erakutsi zuen partiduko erritmo eta jokoaren jabe izan nahi zuela eta horrela egin zuten lehen zatian zehar. 7. minutuan, marrazaina falta zen albotik, pase luze bat sartu zuten Arrasatekoek eta eskuin hegaleko jokalariaren erdiraketa ate barrura bultzatu zuen aurrelariak. Marrazainik ez izateak istiluak hasi zituen gola jokoz kanpo izan zitekeelako. Orotariko iritziak egon ziren bai jokalari zein partidua ikusten zeuden zaletuen aldetik. Soraluzek ez zuen amore eman eta nahiz eta jokoaren jabe ez izan kontra erasoan eta urrutiko jaurtiketekin saiatu ziren Arrasatekoen atera iristen. 30. minutuan Jon Laskurain ezker atzelariak urrutitik jaurtiketa on bat egin zuen eta ia-ia armiarma sareak kendu zituen atetik. 35. minutuan Arrasateko jokalariak baloi bat langan lehertu zuen. Hurrengo 10 minutuetan jokoa nahasi egin zen eta aukera garbirik gabe iritsi zen atsedenaldia.
Bigarren zati hasieran Arrasateko taldea Soraluzekoa baino gehiago izan zen eta 11. minutuan defentsari izkin eginda Arrasateko aurrelaria Isusi, Soraluzeko atezainaren aurrean bakar-bakarrik geratu zen eta nahieran egin zuen gola. 2-0ekoak min egin zion Sorari baina burua jeitsi beharrean indartsu aurrera egin zuen taldeak. Soraluze kontra erasoan min egiten hasi zitzaion Arrasateri eta pase luze baten atzetik korrika zijoalarik Unai Cabok pase bikain batekin atearen aurrean bultza egiteko moduan utzi zion baloia Julen Riveras-i. Partidua amaitzear zela Unai Cabok aukera bikaina izan zuen berdinketa lortzeko baina baloia langatik gora bidali zuen.
Taldea: SORA B (Preferente 1go maila)
Jardunaldia: 6.a. Zapatua, urriak 24.
Emaitza: ARIZMENDI K.E 2-1 SORALUZE C.F.
Sailkapeneko postua: 3. Puntuak: 9
Sora "B"-ren partidua erizaindegian amaitu zen
Partiduak iraun zituen 82 minutuetan inork ez lukeen imaginatuko partidua horrela amaituko zenik. Soraluzeko taldeak izan zituen partidu osoan zehar gol aukera garbienak. 15 aldiz iritsi ziren Arizmendikoen (Aretxabaleta) atezainaren aurrera baina ez zuten irabazterik lortu. Aurkariek izan zituzten aukera apurretan egin zituen beraien golak. Partidua amaitzear zela Soraluzeko jokalari batek (Norden) falta bat egin zion aurkari bati eta momentu batez aurrez-aurrez jarri ziren baina ez zen ezer gertatu. Orduan epaileak txartel gorria atera zion Soraluzeko jokalariari eta honek aldageletarako bidea hartu zuen. Zelaitik irteten ari zela ikusle bat gaizki esaka eta istilu bila joan zen jokalariarengana eta elkarri helduta zeudelarik batak bestea jo zuen. Momentu horretan borroka jokalari eta ikusleenganaino zabaldu zen eta epaileak hori ikustean partidua bertan behera utzi zuen. Partidua amaitzean jokalaria, entrenatzailearen laguntzarekin, erizaindegira joan zen.
Taldea: SORA Jubenila (jubenilen 1go maila)
Jardunaldia: 6.a. Zapatua, urriak 24.
Emaitza: URKI C.D "C" 1-O SORALUZE C.F.
Sailkapeneko postua: 4. Puntuak: 7
Taldea: SORA Infantilak (Infantilen 1go maila)
Jardunaldia: 2.a. Zapatua, urriak 24.
Emaitza: SORALUZE C.F. 8-1 LAGUN ONAK C.D
Sailkapeneko postua: 4. Puntuak: 3