Taldea: SORA A (Preferentea)
Jardunaldia: 5.a. Domeka, urriak 18.
Emaitza: SORALUZE C.F. 0-0 Urola K.E
Sailkapeneko postua: Liderra. Puntuak: 13
Aukera asko sortu zituzten bigarren zatian baina etekinik ez
Urolako taldeak izan zituen aukera garbienak lehenengo zatian baina Soraluzeko defentsak gogor eutsi zien eraso guztiei. 44. minutuan Unai Cabok aukera garbia izan zuen atezainaren aurrean baina ezin izan zuen aurkarien atea zulatu.
Bigarren zatian etxeko taldearenak izan ziren aukera gehienak. 7. minutuan heldu zen etxekoen lehen abisua, Jon Laskurainek jaurtiketa langan lehertu zenean. 30. minutuan Oier Ariznabarretak korner batean errematea egitea lortu zuen baina Urolako atezainak geldiketa paregabea egin zion erremateari. 33. minutuan Unai Cabok Urolako defentsari izkin eginda area barruan sartu eta jaurtiketa egin zuen baina beste behin ere Urolako atezainak erantzun ona eman zion jaurtiketari. Azken minutuetan alde batetik bestera erabili zuten baloia gehienbat aireko jokoan eta 0-0 ko emaitzarekin amaitu zen norgehiagoka.
Soraluzek lider jarraitzen du gorenengo erregional mailan. Amaikak Bat (Deba) taldeari puntu 1 eta Ikasberri taldeari 2 puntu ateratzen dizkie.
Klubaren esker ona Ekhiotz, Yurgi eta Markori
Domekan, jubenilen partiduaren aurretik eskaini zien omenaldia klubak. Txistularien musikaz lagunduta ohorezko aurreskua dantzatu zieten dantzariek hiru omenduei eta ondoren klubeko lehendakariak oroigarri bana eman zien, klubean jokalari moduan egindako urteetan erakutsitako “konpromezua eta leialtasuna” eskertuz. Ekhiotzek 17 denboraldi egin ditu klubean, Yurgik 18 eta Markok 16.
----
Taldea: SORA B (1go Erregional maila)
Jardunaldia: 5.a. Domeka, urriak 18.
Emaitza: Aloña Mendi K.E 0-2 Soraluze C.F
Goleatzailea: Aitor Oregi (8’) eta Ion Agirregomezkorta (23’)
Sailkapeneko postua: 2. Puntuak: 9
----
Taldea: SORA jubenila (1go jubenilen maila)
Jardunaldia: 5.a. Zapatua, urriak 17.
Emaitza: Ikasberri K.E 4-3 Soraluze C.F
Goleatzailea: Mauricio Romero (11’), Koldo Aragón (19’) eta Xabier Jauntsarats (26’)
Sailkapeneko postua: 4. Puntuak: 7
---
Taldea: SORA infantila (1go infantilen maila)
Jardunaldia: 1.a. Zapatua, urriak 17.
Emaitza: Zestoa K.B 4-0 Soraluze C.F
Sailkapeneko postua: 7. Puntuak: 0