BPTD, Basque Precision Technology District, 2019an eratu zuten eragile publiko eta pribatuek eta gaur egun Debabarreneko eta inguruetako prezisioko teknologia arloko 41 enpresa batzen ditu bere baitan (bi dira Soraluzekoak). Iaztik, Iñigo Perez-Arregi De Codes (Donostia, 1968) da elkartearen presidentea. Donostiarra den arren, ondo ezagutzen du bailarako industria, bere lan-ibilbide osoan zehar bailarako enpresetan lan egin du eta. Duela hogeita bost urtetik Eibarren dihardu, EPC enpresan. Bertan erantzun ditu DKTren galderak, elkarteak ekainaren 14an Ermuko Izarra Centren egingo duen urteko batzar nagusiaren aurretik.  

Atzo, eguaztena, urteko batzar nagusia egin zuen Soraluze Kooperatiba Elkarteak. Azaldu zutenez, iaz Co-Aliment taldearekin ibilbidea abiarazi zutenetik, saltokiko produktuen aukera handitu egin dute eta prezioak merketu. Horren eraginez, orain erosle gehiago ibiltzen dela esan zuten. Horrekin batera, galerak izan arren, iazkoen ia erdiak izan direla jakinarazi zuten. Dena den, gaineratu zuten, salmentek marjina txikia lagatzen dutela, saltokiaren egoera “larria” dela eta bertan erosten segitu beharra dagoela.