Azaldu dutenez, mezuaren bidaltzaileak zerga administrazioa dela simulatzen du, eta esteka bat eransten dio mezuari, errenta aitorpenaren itzulketa jasotzeko dela esanez. Baina, Gipuzkoako Foru Ogasunak azpimarratu du errenta kanpaina ez dagoela aktibo oraindik, eta foru erakundeak, gainera, ez duela "informazio konfidentzialik" eskatzen, ez kontu zenbakirik, eta ezta ere ez zergadunen txartel zenbakirik SMS bidez.
Halaber, jakinarazi dute beharrezko neurriak hartzen ari direla horrelako iruzur saiakerak ekidin daitezen.