Bi egunetan ospatu zuten Mesedeetako egoitzan Gaba Baltza. Eguen goizean, Udal Liburutegiaren laguntzarekin eskuratutako Karmele eta Naiara Mitxelenaren Gau Beltz On liburua irakurri zuten online, pantaila erraldoian, Xabi Muñez Iñiguez dinamizatzaileak lagunduta. Bukaeran, hausnarketarako tartea hartu eta heriotzari, oraingo eta lehengo beldurrei eta bestelakoei buruz berba egin zuten.
Queimada egin eta dastatu
Barikuan, berriz, goizean Udal Liburutegian izan zen egoiliar talde handi bat. Arantza Lasa herriko lehen liburuzainari egindako omenaldira joan ziren.
Arratsaldean, berriz, egoitzako areto nagusian elkartu, argiak emendatu eta Txomin Arriola egoiliarrak queimada zelan egiten zuen ikusi zuten. Amaieran, egoiliarrek ere probatu zuten apurtxo bat.