Udazken koloreak dituzten argazkiak, musikarekin lotutakoak, Oleako presarenak eta hirukietan inspiratutako argazkiak daude ikusgai Erakusketa aretoan, guztira, 35.
Egileen artean, Soraluzen jokatu zen azken Argazki Rallyko argazkilari irabazleak daude: Carlos de Cos soraluzetarra, Carlos Mediavilla legazpiarra, Arbil Iciar zarauztarra eta Juan Carlos Romero ondarrutarra. Eta bilduma osatzeko, lehiaketan parte hartu zuten bestelako argazkilarien erretratuak daude, guztiak ere, argazkilaritzan eskarmentu luzea duten argazkilarien lanak.
Argazki erakusketa zabalik egongo da urriaren 31ra bitartean, eta, ari da bisitariak izaten. Gainera, ikustera joaten denak aukera du Kontrargi Argazkilari Kolektiboak egingo duen argazki baten zozketan parte hartzeko.