Echaide enpresak egingo ditu Baltegietako lanak. Enpresatik esandakoaren arabera, egunotan, galtzada-harria jasotzen hasiko dira ikusteko azpian zer dagoen eta konpondu beharrekoak konpontzeko. Eta gero, atzera ere jarriko dute galtzada-harri berbera.
Asteotan, SAPAko autobus geltokitik Gabolatseko zubirainoko tartean egingo dituzte lanak. Bidea ezingo da erabili, bai, ordea SAPAren aterpea zein autobus geltokia ere. Hori bai, SAPAren ezkerreko aldeko hasierako autoak erretiratu egin beharko dira, obra-kasetendako lekua libre lagatzeko.
Garajedunak zubitik
Baltegietatik errepidera irteteko bidea ezin denez erabili, Ezozibidetik datozen autoak ezin dira Gabolatseko zubitik pasa, Gabolatsetik segituko beharko dute aurrera. Baltegietan garajea dutenak bai, haiek bai pasa daitezke. Halaber, garajedunek, irteteko ere, Gabolatseko zubia erabili beharko dute, egunotan bi noranzkotan erabili ahalko baita hura.