Gustu guztietarako kontzertuak antolatu zituzten Errekalde eta Gipuzkoa Etorbideko bizilagunek. Chico Infierno izan zen zapatu gaua irekitzearen arduradun, aurtengo martxoan ere bertako Asigor tabernan izandako rock taldeak. Ondoren, hamaika urtez Soraluzeko jaietara etorritako Fan&Go erromeriak estreinakoz jo zuen Mesedeetan. Borobiltzeko, iaz eskaini zuten DJ saioaren arrakasta ikusita, berriz ere deitu zituzten Trujen eta Strujenak, jaietako azken gaua giro ezin hobean amaitzeko.
Argazkia: Trujen eta Estrujen.