Errabal Kultur Elkartea hasita dago aurtengo Blues Hotsak jaialdiaren programazioa prestatzen. Jaialdia azaroaren 16tik 23ra bitartean egingo da eta iaz bezala, aurten ere azken egunean, domekan, kontzertuak egingo dituzte kalean eta tabernariek doako pintxo bereziak eskainiko dituzte, bakoitzak bereak, propio egun horretarako eginak.
Pintxoekin lotuta, Errabal kultur elkarteko arduradunek jakinarazi dutenez, datorren asteazkenean, hilaren 17an, argazkilaria joango zaie tabernariei pintxoen argazkiak ateratzera, ondoren egunaren promozioan erabiltzeko helburuz.
Bestalde, ondorengo egunetan iragarriko ditu aurtengo jaialdian parte hartuko duten artisten izenak eta aurreratu duenez, tartean, "sorpresa politak" izango dira.