Opor osterako, bi irteera dituzte antolatuta Itxaropenan eta biak ala biak beteta daude oporren aurretik. Irailaren 29an, Donemiliagara joango dira egun pasa. Yusoko monasterioa eta David Moreno upategia bisitatuko dituzte.
Urrian, berriz, Toledora joango dira hiru egunerako. Han, Puy du Fou Historian oinarritutako parke tematikora joango dira, arratsalde-gauean bisita egin eta Torrijosera bueltatuko dira. Irteera borobiltzeko, gosariaren ondoren, denbora librea lagako dute Toledo bisitatu edo erosketak egiteko eta bazkalostean bueltatuko dira Soraluzera, urriaren 17an.
Azkenik, irailean, podologoa 16an eta 23an izango da elkartean zerbitzua ematen. Hitzordua har daiteke martitzenetan eta eguenetan, 11:00etatik 12:00ak bitartean.