Martiritxoren jaitsierarekin ekingo diete jaiei eta azken urteetan egin duten legez, barikuan bertan, mozorrotutako bizikleta martxan etorriko dira Soraluzera, jaiak iragarri eta plazentziatarrak gonbidatzera. Hiru egunetan zehar, kontzertuak, bazkaria, kalejirak eta umeei bideratutako hainbat ekimen egingo dituzte. Hona hemen egitaraua:
Abuztuaren 29a, barikua
- 18:00 Martiritxoren jaitsiera.
- 18:30 Mozorrotuta bizikleta martxa Soraluzera.
- 21:30 Kontzertuak: Azkaiter Pelox; Amustei; eta Goma 2.
Abuztuak 30, zapatua
- 11:00 Sukaldaritza lehiaketa.
- 15:00 Herri bazkaria.
- 17:00 Bazkalostea girotzeko bingo musikatua. Ondoren, mozorro eta sukaldaritza lehiaketen sari-banaketa.
- 19:30 Fanfarreak girotutako kalejira.
- 23:00 Erromeria Laket taldearekin.
- 02:00 DJ Arno.
Abuztuak 31, domeka
- Eguerdian salda (Germanian eta txosnan) eta karitate banaketa.
- 13:00 Euskal dantzen emanaldia.
- 17:30 Haurrentzako puzgarriak.
- 20:00 Martiritxoren igoera eta Kofraixen amaiera.