Soraluzeko Musika Eskolak 35 urte bete ditu aurten eta gaur eskolako irakasle, zuzendaritzakide eta ikasle gazteek irakurri dute pregoia udaletxeko balkoian. Pregoian gogoan izan dituzte eskolaren sortzaile izan ziren herritarrak, historian zehar herria alaitu duten musikariak eta eskerrak eman dizkiete udalari, alkate, zinegotzi eta bereziki Mikel Leunda teknikariari, urte guztiotan emandako laguntzagaitik.
Musika eta musikariak goratu dituzte: "musika da jaiaren esentzia" azpimarratuz. Jaietan elkarrekin errespetuz jokatzeko eskatu dute eta palestinarrak ere gogoan izan dituzte: "Palestinako haurrak eta herritarrak gogoan ditugu. Beraien sufrimendua ez dugu ahaztuko jaietan murgilduta egon arren".