Herriko jaietan tradizio luzeenetarikoa duen ekitaldietako bat da bakailao lehiaketa. Partaide beteranoek buruan dutenez, laster 50 urte izan litezke lehiaketa hori egiten dela.
Aurten ere egingo da, ohi denez, Santa Ana egunean. Lehiakideakk 11:30ean hasiko dira bakailaoak prestatzen eta 13:00ak bitartean izango dute errezeta prestatzeko. Gero, epaimahaiak bakailaoak baloratu, txapeldunak erabaki eta sari banaketa egin ondoren herritarrek probatu ahal izango dituzte bakailaoak.
Hiru bikote saridun izendatuko dituzte. Lehen saria izango da 100 euro, bigarrena 75 euro eta hirugarrena 50 euro.
Iaz, honako hiru bikoteak izan ziren saridun:
- 1. saria: Andoni Calles eta Jon Basauri (2023an ere bai).
- 2. saria: Igor Garmendia eta Jagoba Zubiaurre.
- 3. saria: Julio Rascon Garcia eta Jose Miguel Rascon Garcia.