Eguaztenean, Yallah Soraluze taldeak antolatuta, errezitaldi musikatua egin zuten Plaza Berrian. Bertan, hamaika herritarrek, Sol Band talde palestinarrak lagunduta, 'Rifqa' liburuko poemak irakurri zituzten euskaraz, gazteleraz, arabieraz eta ingelesez. Emanaldiak ordubete inguru iraun zuen eta hunkigarria izan zen.
Yallah Soraluzeko kideek emanaldiaren amaieran jakinarazi zutenez, jaietan Palestinarekiko elkartasun zapiak jarriko dituzte salgai eta uztailaren 26an, Santa Ana egunean, 'Stop genozidioa' lemapean, elkartasun argazki bat aterako dute Plaza Zaharrean. Zezenaren ostean izango da, arratsaldeko 19:45ean. Herritar guztiak gonbidatu dituzte bertan parte hartzera.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.