Lekukoek kontatutakoaren arabera, kea hasi da irteten Santa Ana kaleko eraitsitako etxeetako habeetako batetik. Udal langile batek, hura ikusi, eta kubokada ur bota dio. Baina keak irteten segitzen zuen eta orduan suhiltzaileei abisatu die Udaltzaingoak. Haiek berehala etorri eta garabian igo dira egoera ikustera; esan dutenez, eurek, behintzat, ez dute surik piztuta ikusi. Hala ere, habea mangeraz ondo ureztatuta laga dute.
Ikusmira handia eragin du gertakariak eta badaezpada, etxeko arkitektuari abisatu diote, egoera zein den bertatik bertara ikuskatu dezan. Kea zerk eragin duen jakitea oso zaila dela adierazi dute, dena den, susmoa da zigarrokin batek eragin izan duela.