Astelehenean zabaldu zuten Kontrargi Argazki Kolektiboak antolatutako azkeneko erakusketa, Araneko erakusketa aretoan.
Jose Antonio Plataren argazkiz osatuta dago, 10 urtean zehar ateratakoen artetik 40 argazki. Erakusketaren irekiera egunean Platak kontatu zuenez, urtero joaten da horren kuttun duen Marokokora eta batez beste 700 argazki ateratzen ditu. Bada, horien guztien artetik aukeratu ditu ikusgai jarri dituenak.
Emandako xehetasunen arabera, Marrakexetik basamorturainoko lekuak eta jendea daude argazkietan erakutsita, Sahararen hasiera, Sidi Ali, Marzougango azoka, hondartza zuriko dunak, urak hartutako dunak Yasminan, nomadak… Kontrastez eta kolorez betetako erretratuak dira.
Ekainaren 21era arte izango da erakusketa ikusteko aukera:
- Astelehenetik barikura: 18:30 - 20:00
- Zapatutan: 12:00 - 13:30