Danborradako antolaketa taldetik esan dutenez, bertan parte hartzeko lekuak dauden bitartean, izen-ematea zabalik izango da. HEMEN KLIKATUTA eman daiteke izena.
Jantziak uztailean
Aurten, aurreikusten dute zortzi konpainia aterako direla desfilatzen. Eta jakinarazi dute uztailaren erdialdean hasiko direla arropak banatzen. Datak zehazten dituztenean, hori ere jakinaraziko dute.
Bestalde, gaineratu dute aurten "seguruenik nobedadeak" izango direla danborradan, baina momentuz, ezin dute ezer aurreratu. Azkenik, esan dute antolaketa taldeak lanean diharduen arren, eskertuko luketela laguntzeko prest dagoen jende gehiago izatea. "Zenbat eta esku gehiago errazago egiten dira lanak", diote.