Lapurreta eta lapurreta saiakera

Herenegun gauean, Cañones inguruan lapurreta, lapurreta saiakera eta furgoneta baten kristal apurketa gertatu ziren. Segurtasun Sailetik emandako informazioaren arabera, trasteleku batean sartzea lortu eta bertako zenbait gauza eraman egin zituzten eta beste bi trastelekutan, berriz, sartzeko ahalegina egin zuten. Salaketak jarrita daude. Bestalde, inguruan aparkatuta zegoen furgoneta bateko bi kristal ere apurtu zituzten, ibilgailuaren jabeak kontatutakoaren arabera.