Maiatzaren 8az geroztik eman daiteke izena ekaineko irteerarako. Bost egunekoa izango da eta denetik egingo dute: Peñiscola bisitatu eta bertan lo egin, Castello bisitatu, Ebroren Delta itsasontzian, San Jose kobazuloak ikusi eta Vinaroz eta Morella bisitatu. Zenbait bisitetan gidaria eta guzti izango dutela iragarri dute.
Ekainaren 15ean, 07:00etan irtengo da autobusa Soraluzetik; azken egunean, berriz, Morellan bazkaldu ondoren abiatuko dira etxerantz.
Prezioa da 515 euro pertsonako logela bikoitzean. Pertsona bakarrarendako logela nahi izanez gero, berriz, 130 euroko gehigarria ordaindu beharra dago.