Olioz egindako margolanak, arkatzez, harea ere badutenak, arrautza oskol pusketekin ondutakoak, hiper-realistak, abstraktoak, naturarekin lotutakoak, marrazki bizidunenak… Denetariko teknikaz eta motiboz egindako margolanak jarri dituzte ikusgai Erakusketa gelan.
Paula Pinillak zuzentzen duen Krabelin pintura eskolako ikasleenak dira, helduenak zein umeenak, 2024-2025 ikasturtean landutakoak. Atzo iluntzean zabaldu zuten erakusketa eta bisitariekin batera, artistetako batzuk ere bertan izan ziren emaitzarekin pozik.
Maiatzaren 24ra arte izango da erakusketa ikusteko aukera. Astegunetan, 18:30etik 20:00etara eta zapatuetan 12:00etatik 13:30era. Margolanak erosteko aukera ere badago.