Bihar, Deba Bailarako II. Txistulari Eguna egingo dute

Ubane Madera Zangitu 2025ko mai. 9a, 10:05

Diadar Txistulari Taldea Galipoten.

Bihar, zapatua, 40 bat txistulari Soraluzen izango dira Deba Bailarako Txistulari Egunaren bueltan. 2018an egin zuten topaketa hori lehen aldiz Soraluzeko txistulariek antolatuta, eta orain, Diadar Txistulari Taldeak berreskuratu egin nahi du. Kalejira, kontzertua eta bazkaria egingo dituzte. 

Bihar, zapatua, Arrasatetik 12 txistulari, Eskoriatzatik 4, Aretxabaletatik 4, Oñatitik 1, Debatik 4, Ondarrutik 4, Elgoibartik 2, Eibartik 2 eta Altsasutik 2 etorriko dira Diadar Txistulari Taldeak antolatutako Deba Bailarako Txistulari Egunera.

Goizean, musikariak elkartu eta kalejira egingo dute herrigunetik -10:30-, gero hamaiketakoa eta gero alarde-kontzertua, eliz atarian.

Eliz-atarian zortzi pieza

Eliz atariko kontzertua, berriz, 12:30ean hasiko da eta zortzi piezaz osatutako errepertorioa eskainiko dute: 

  • Eibarko kontrapasa
  • Gorbeako Gurutzea
  • Atsegina
  • Mendiko Soñuak
  • Botecito
  • Gernikako Arbola
  • Ezozi trilogia
  • Agur Jaunak

Borobiltzeko, elkarrekin bazkalduko dute eta bazkaria baliatuta, herriko bi txistulari beterano, Juan Jose Arrieta eta Imanol Lopez omenduko dituzte eta oroigarri bana emango dizkiete. 

 

 

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.