Zapatuan, 09:30ean elkartuko da ibaia garbitzera joango den taldea, Plaza Berrian. Parte-hartzaileek ura etxetik eraman beharko dute eta jantzi aproposak: uretan sartu nahi izanez gero -ez da derrigorrezkoa- gomazko botak edo badeadorea, edo bestela, arropa zaharra.
Osterantzean, eskularruak eta tresnak antolatzaileek eramango dituzte, baita hamaiketakoa ere. Asmoa da ibai garbiketa bazkalordurako bukatzea.
Adituen azalpenak
Gainera, ibaia garbitzen duten bitartean, Lurgaiako adituek azalpenak emango dituzte ibaien dinamikaz, ibaiertzeko basoak berreskuratzeaz, ibai eta itsasoetako plastikoen problematikaz eta abarrez.
Parte hartu nahi izanez gero, izena eman beharra dago maiatzaren 8a aurretik, honako helbideetako batean: soraluzekobasobiziak@gmail.com edo info@lurgaia.org.