Bizpahiru bat hilabete barru bukatuta izango dute Plaentxi Eskolako igogailu panoramikoa. Obrak egiten ari den Echaide enpresatik esandakoaren arabera, igogailuaren estruktura muntatuta dago, itxiturak eta bukatu behar dituzte eta besteak beste, gero fatxadarekin hasiko dira.
Fatxadari dagokionez, igogailuak kristala izango du herrira begirako aldean eta baita kanposantu alderako zati batean ere. Panel konposite –aluminioaren antzekoa- eta kristala, zehazki.
Pasareletan lanean
Xabier Gonzalez arkitekto eta obra buruak emandako xehetasunen arabera, asteotan, igogailutik eskolara joateko pasarelak egiten ari dira. “Orain hasi gara bigarren pasarelako estrukturarekin eta gero egin behar dugu hirugarren pasarela, tetxotik joango dena. Hilabete batera-edo bukatzea aurreikusten da. Eta gero ya fatxadak egin behar dira, kanpoko akaberak”.
Jantokiko eskailerari dagokionez, berriz, lanik handienak eginda dituzte, paretak margotzea, argiak jartzea eta sarrera egokitzea besterik ez da falta.
Azkenik, eskolako sarrerari dagokionez, laster iritsiko dira bi ate berriak. Haiek etortzean, ipini eta zorua errematatu eta ikastetxerako sarrera bertatik egokituko dute.