Atzo, domeka, Ramadanaren azken eguna, Eid Al-Fitr eguna ospatu zuen Soraluzeko komunitate musulmanak goizean goiz hasita. Dotore jantzi, Zubi Nagusia festarako egokitu eta etxean prestatutako jan-edan gozoz betetako mahaiak atera zituzten bertara. Elkarren artean zein bertaratzen ziren herritarrekin konpartitu zuten guztia, pastak, pastelak, tea eta bestelakoak etengabe eskainiz. Udal ordezkariak ere izan ziren jaian.