Bihar, domeka, Eid al Ftir eguna da, Ramadanaren amaiera -musulmanek baraualdia egiten duten hilabetea- eta Soraluzeko komunitate musulmanak Ramadanaren amaiera ospatzeko festa antolatu du Zubi Nagusian. 09:00-09:30ak inguruan hasiko da eta “soraluzetar guztiak” gonbidatu dituzte ospakizuna elkarrekin egitera. Eguerdira arte izango dira zubian.
Bihar, domeka, dotore jantzi eta goizean goiz, 08:00ak inguruan kiroldegi gainean elkartuko dira musulmanak, Ramadanari amaiera emango dioten errezoak egitera.
Haiek bukatzean, Zubi Nagusian elkartuko dira, eta, orain dela bi urte egin zuten moduan, jan-edan gozoak prest izango dituzte Aid al Fatir eguna euren artean zein bertara doazen herritar guztiekin ospatzeko.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.