Oraindik autoa errege

Beraz, gure mugikortasunerako ibilgailu pribatuak errege izaten segitzen du, EAEko eguneroko joan-etorrien % 33-44 ibilgailu pribatuan egiten baitira. 

Lurraldeka aztertuta, Gipuzkoa da auto pribatuaren erabileran liderra (% 44), eta Araba (% 43) eta Bizkaia (% 33) ditu atzetik. Nafarroan ere, eskala berean banatutako daturik izan ez arren, autoa da garraiobiderik erabiliena. 

Autoaren erabilera sexuaren eta adinaren arabera aztertuta, berriz, 20 eta 64 urte bitartekoen ia erdiek bere ibilgailua aukera nagusi dute egunero; aldiz, emakumeek eta adinduek gehiago erabiltzen dute garraio publikoa, emakumeen (% 51) eta 65 urtetik gorakoen artean (% 72). 

Debabarrenera zein Soraluzera etorrita, hemen ere nabarmena da ibilgailu pribatuaren nagusitasun hori. Soraluzeko 3.869 bizilagunen artean -3.278 dira 18 urtetik gorakoak, hau da, gidabaimena izan dezaketenak-, 2.564 ibilgailu pribatu daude eta horietatik 1.929 dira turismoak.