Lesboseko kanpalekuetarako kaxak ari dira arroz luzez betetzen Soraluzen. Atzo, esaterako, Kontzejupeko mahaian batutakoaz aparte, Kooperatiban lagatako kaxa ere batu zuten boluntarioek eta, esandakoaren arabera, 140 bat pakete arroz zeuden bertan. Bestalde, herritarrek emandakoari, gero Soraluzeko Udalak ere gehituko dizkio arroz pakete gehiago.
Elikagaiez aparte, dirua ere ari dira batzen, hain justu, egunotan batutako elikagaiak Lesboseraino eraman ahal izateko. Bien bitartean, batutako guztia Eibarren gordeta izango dfute Urkotronik-ek lagatako lokalean.
Eskualdeko zortzi udalerrik dihardute ekimenean parte hartzen: Mallabia, Ermua, Eibar, Soraluze, Elgoibar, Mendaro, Deba eta Mutriku.