Zapatu eguerdian, Joseba Irazokik emanaldi ederra eskaini zuen Gaztetxean, hurreratu ziren herritarren gozamenerako. Ordubete eskas iraun zuen kontzertuan, Irazokik ‘Gitarra Lekeitioak (Onomatopeikoa II)’ bere azken diskoko kantak jo zituen, aurrelana eta inprobisazioa uztartuz. Beratarrak azaldu zuenez, diskoa istant composition filosofiarekin sortua da, alegia, kanta bakoitzaren bide nagusia aurrez sortu du eta ondoren, bide horren barruan, inprobisatu egiten du.