Bi gizon ospitalera eraman dituzte borroka baten ondoren

Ubane Madera Zangitu 2025ko ots. 22a, 14:56

Gaur, zapatua, eguerdia pasa zela, Frontoi kaleko etxe batean eztabaida handia gertatu da bi gizonezkoren artean. Ertzaintzak emandako informazioaren arabera, bi gizonezkoek pisua konpartitzen dute eta borrokan, batak besteari artaziekin egin dio eraso eta besteak plater edo antzerako zerbaitekin. Xehetasunen arabera, erasoaren ondorioz, bi gizonezkoak zauritu egin dira. Zubi Nagusian artatu dituzte larrialdi zerbitzuek eta ospitalera eraman berri dituzte (14:30), Mendaroko ospitalera bata eta bestea Arrasatekora.