Lekukoek kontatu dutenez, 06:30-06:50 bitartean gertatu da istripua. Kolpea jasan duen autoa Errabaletik zetorren eta une horretan, beste ibilgailu bat Zubi Nagusitik atera da; hura saihestu nahian, Errabaletik zetorren autoaren gidariak ezkerretara egin du eta Errabal kaleko 17. etxearen paretaren kontra jo du.
Argazkietan ikusten denez, autoak aurretik hartu du kolpea. Haren ondorioz, airbagek salto egin dute. Errabaleko 17. atariko bizilagun baten arabera, demaseko danbatekoa entzun dute. Kalera jaitsi eta gidariari autotik irteten lagundu diote. Ondo antzean zegoela-eta, gaztea lanera joan da.
Une honetan, garabiak autoa erretiratzeko zain daude zubian.
