Atzo, San Blas eguna, eliza guztiz bete zen San Blas eguneko bedeinkapenerako. Familia eta ume askok eraman zituzten etxean egindako sanblas opilak telazko zapitan batuta, eta, gora-gora jaso zituzten Joseba Gonzalez parrokoak ur bedeinkatuz betetako hisopoarekin zipriztindu zitzan. Elizkizun horretan ohi denez, zipriztindu baino sanblasak busti egin zituen parrokoak eta horrek poz-pozik laga zituen bertaratutakoak.