Gabolatseko zubiko lanen baitan, joan den astean zubi zaharra eraisteko plataforma eraikitzen hasi ziren. Horretarako, beharrezkoa dute ibaiko urari bide berria egitea eta egunotan ari dira ura bideratzeko tutuak jarri eta plataforma egonkortzen.
Gaur, eguaztena, URA agentziako teknikariak bertan izan dira lanak ikuskatzen. Esan dutenez, ibaiaren bazter bat libre lagako dute, tapatu gabe eta tuturik gabe, urak handitzen badira, nasai pasa daitezen.
Behin plataforma bukatuta, zubi zaharra botatzen hasiko dira. Eraisteko hondeamakina erabiliko dute horretarako eta zatika botako dute zubia. Dena ondo bidean, martxorako botata izango dute zubia. Eta horren ondoren hasiko dira zubi berria ipintzeko lanak egiten.
Argazkietan ikusten da zelan aurreratu dituzten lanak joan den astetik hona. Argazkiak: Angel Garcia eta U.M.