Domekan, 11:00etan hasita, umez beteko da ludoteka, kirolgunea, antzokia, liburutegiko hall-a… oro har, Araneko kultur-gune osoa, gutxienez 93 umek parte hartuko baitu Euskal Aratosteen lan-taldeak antolatutako tailerretan.
Zuzeneko musika, Marras…
Pankartak egin, zankotan ibili, Euskal Aratsoteetako dantzak praktikatu, Marras zakuzaharrez jantzi… 13:00ak bitartean, denetik egiteko aukera izango dute.
Euskal Aratosteak antolatzeaz arduratzen den lan-taldeak -Kukumixo Aisialdi Taldea, Pil-pilean Euskaldunon Elkartea, Atxolin Guraso Elkartea, Urrats Dantza taldeko irakasleak eta Udaleko arduradunak- gidatuta. Haiekin batera, musika eskolako txistulariak ere izango dira zuzeneko musika eskaintzen eta baita Marras herriko maskota ere.
Aurten, otsailaren 28an tokatzen dira Euskal Aratosteak, eta ospakizun horri begirako beroketa eta prestaketa modura egingo dituzte tailerrak.