Biharko, barikua, dagoeneko 38 lagunek hartu dute txanda odola ematera joateko. Guztira, 49 txanda daude Soraluzen, beraz, oraingoz, erantzun oso ona ematen ari dira herritarrak, are gehiago kontuan hartuta odol erreserbek behera egin dutela eta behar handia dagoela.
Edozelan ere, litekeena da horietako hainbatek odola ezin eman izatea, hainbat arrazoi tarteko –kirol intentsua egiteagatik, botika jakin batzuk hartzen baldin badira, katarroa izanez gero…- ez baitute odola ematen lagatzen.
Gaur, eguena, oraindik har daiteke txanda Gotatanta.eus webgunea baliatuta, eta, bihar, berriz, telefonoz deituta: 943 00 78 85.