Itxaropena Erretiratuen Elkartean hilaren amaierara arte segituko dute Madagaskarrerako betaurrekoen bilketa egiten. Dagoeneko bi kaxakada batu dituzte eta dei egiten die herritarrei azken bi asteotan eraman ditzaten etxean erabiltzen ez dituzten betaurrekoak. Martitzenetan zein eguenetan eraman daitezke, martitzenetan, 11:00etatik 12:00etara eta 16:30etik 18:30era eta eguenetan, 11:00etatik 12:00etara.
Gipuzkoako Erretiratuen eta Pentsiodunen Elkarteak bideratu du bilketa Baobab elkartearen bitartez, eta, Itxaropenakoek harekin egin dute bat. Halako bilketa bat egiten duten lehen aldia da.