Gaur eguerdian, Olentzero eta Mari Domingi Soraluzen izan dira. Euriarengandik babestuz, trikitilariek lagunduta, Araneko kiroldegira jaitsi dira eta hantxe egin diete harrera frontoia lepo bete duten soraluzetarrek. Gabonetako bi lagunek Irribarretsu entzun dituzte herriko umeen nahiak, haien marrazkiak zein gutunak batu dituzte eta lehen oparitxoak eman dizkiete. Gaur gauean partituko dituzte falta diren guztiak galtzagorrien laguntzarekin.
Eguerdian, Araneko frontoia lepo zela iritsi dira Olentzero eta Mari Domingi, trikitilarien laguntzarekin. Frontoian, Triki eta Traka zain zituen, txalapartariak, dantzariak eta baita Kukumixoko zein Atxolin Guraso Elkarteko lagunak ere. Guztien artean harrera egin ondoren, jarlekuetan eseri eta irribarrea ahoan altzoan hartu dituzte eurengana joan diren ume guztiak. Bi aaku bete gutun eraman dituzte Soraluzetik.