Atzo, iluntzean, apur bat berandu iritsi zirenak lekua topatu ezinda ibili ziren Itxaropena Erretiratuen Elkartean. Gabonetako otarren zozketa zuten iragarrita, sari banaketa eta txistor pintxoak eta horiek guztiak erakarrita, dozenaka lagunen topaleku bilakatu zen erretiratuen elkartea.
17:00ak puntuan zirela hasi ziren otarren zozketa egiten. Zenbaki guztiak poltsa batean sartu eta elkartean zeuden herritarrak joan ziren zenbakiak ateratzen gainerakoen arretazko begiradapean. Izan ere, jan-edan gozoz ondo betetako poltsak zozketatu zituzten juntakoek eta guztiek zuten saridun izateko esperantza.
Zozketa bukatuta, karta-jokoen txapelketako sari banaketari ekin zioten; lehiakide guztiek jaso zuten detalletxoa, txapeldunek eta azpi-txapeldunek zertxobait handixeagoa. Honakoak izan dira aurtengo saridunak:
- Tutean:
1- Paki Mangano eta Marines Tornos
2- Paco eta Mario - Musean:
1. Sérvito eta Severiano
2- Azubarren eta Errasti - Briskan:
1- Maria Luisa Alberdi eta Marifran Aizpuru
2- Mila Plata eta Mari Tere