Bihar, 12 bikotek jokatuko dute Gabonetako Karta Joko txapelketa, andreek zein gizonek, 6 bikotek tutean, 4 bikotek musean eta beste 2 bikotek briskan. Txapelketako sari banaketa hurrengo egunean, barikuan egingo dute. 17:00etan hasiko da karta txapelketa.
Barikuan ere, 17:00etan hasiko dira ekitaldiak. Lehenengo, jan-edanekin osatuta dauden 50 otar zozketatuko dituzte elkarteko bazkideen artean. Irabazleei emango diete jakinarazpena. Segidan, karta txapelketako sariak banatuko dituzte.
Eta barikua borobiltzeko, txistor pintxoak banatuko dituzte bertan dauden bazkideen artean.
Argazkiak eta taberna
Bestalde, astelehenetik, Iratxo Goxo-dendan har daitezke 80 urtetik gorakoen bazkarian ateratako erretratuen kopiak.
Azkenik, Gabonetarako, Itxaropenako tabernak honako ordutegia izango du:
- Abenduaren 23 eta 30: 10:00etatik 21:00etara
- Abenduaren 24 eta 31: 10:00etatik 14:30era
- Abenduaren 25 eta urtarrilaren 1 eta 6: itxita