Eguzkitako betaurrekoak, irakurtzekoak, graduatutakoak… denetarik behar dituzte eta denetarikoak ari dira batzen Itxaropena Erretiratuen Elkartean Madagaskarrera bidaltzeko.
Urtarrilaren 31ra arte segituko dute bilketa egiten eta dei egiten die herritarrei etxean erabiltzen ez dituzten betaurrekoak bertara eraman ditzaten. Martitzenetan zein eguenetan eraman daitezke, martitzenetan, 11:00etatik 12:00etara eta 16:30etik 18:30era eta eguenetan, 11:00etatik 12:00etara.