Oso pozik daude Gorka, Vero eta lagunak joan den zapatuko paella solidarioak izandako erantzunarekin. "Nire espektatibak ziren 100dik gora txartel-edo saltzea eta horren gainetik egon zen. Jendea guztiz irauli da eta eskerrak ematera ere etorri da. Hori bai, nahiko nituzke barkamenak eskatu gauean izandako zaratengatik-eta; hurrengorako neurriak hartuko ditugu berriro ere ez gertatzeko”, dio Gorka Alberdik. Zenbakiz lagundutako balorazioa datorren aste inguruan egingo dutela jakinarazi du.