Azaroaren 29an, barikua, Triskelek, Criado fruta-dendak, Likai esttetika zentroak, Kooperatibak, Biankak, Iratxo goxo dendak, Belarrak-ek eta Autoservicio Amparok Plaza Zaharreko karpara aterako dituzte euren produktuak, Bizikalek antolatutako Gabonetako azokarako.
10:00etarako guztia gertu izango dute eta 20:00ak arte izango da azoka zabalik. Ohi denez, azokan erosten dutenen artean, erosketa bonoen zozketa egingo dute. 25 euroko lau txartel zozkatuko dituzte eta aurten, nobedade moduan, saria jasotzeko ez da zertan bertan egon beharko, antolatzaileek deituko diete irabazleei telefonoz.
Azoka ez ezik, Bizikaleren eskutik datoz aurten, baita ere, Gabonetako argiak. Atzo, eguaztena ipini zituzten Soraluzeko kaleetan, baina oraindik piztu barik daude. Pizte ekitaldia abenduan egingo dute eta laster zehaztuko dute eguna.