Hiru jolas eta hiru koloretako kartoiak izan ziren Plaza Barriko bingo herrikoian, doan. Nahi zuten guztiek parte har zezaketen eta lagunka, familiaka zein banaka animatu ziren herritarrak. Ilarak sortu ziren kartoiak hartzeko orduan.
Umeek erruletari eragin, zenbakia atera eta ahoz goran zein arbelean idatzita erakusten zuten zenbakia, eta, partaideek, urduritasunez, ea kartoian bazuten begiratzen zuten, zortedunek, baita tatxatu ere. Irten zen lehen linea, eta, Kukumixoren poltsa jaso zuen opari irabazleak. Denborara, irten zen lehen bingoa, hark Egotzako gazta opari.
Eta horrela, linea eta bingo, bingo eta linea, pasatu zuten herritar askok bariku arratsaldea entretenituta Plaza Barrixan ludotekako eta gaztelekuko umeen eta gazteen ekimenez, gaztaina-erre usain goxoa ere lagun zutela.