Hasi da gaztaina-erre denboraldia

Gaur, azaroak 7, hasi da aurtengo gaztaina-erre denboraldia Plaza Barrixan, otsailera arte iraungo duena. Bestetan baino beranduago hasi da aurten, txabola berriaren prestaketa-lanak tarteko. Kontuak kontu, aurrerantzean, eguenetik domekara, jai-egunetan eta Gabonetan erosi ahal izango dira gaztaina-erreak, 3 euroan dozena eta 1,5ean dozena erdia. Gainera, aurtengo lehen gaztainak Euskal Herrikoak dira, Lapurdiko Makeatik ekarritakoak.