Boliara joan, eta gaur goizean ere -eguena- hantxe zegoen herritar bat karrokada bete material ematen Valentziara eraman dezaten. Ione Errastik eta Ibai Kortabarriak kontatu dutenez, halaxe ari da izaten egunotan, eskatu ahala, dauden beharren arabera eramaten dituztela gauzak soraluzetarrek, gauza mordoa.
Eurek guztia antolatzen dihardute poltsatan edo kaxetan, eta, kalkulatzen dute bi furgoneta edo akaso hiru betetzeko lain material batu dutela dagoeneko. Edozelan ere, bihar arte, barikua, materiala batzen segituko dute.
Orain furgonetak behar dira
Hori guztia eramateko lehen bidaia azaroaren 15eko asteburuan egingo dute. Orain, horretarako furgoneta behar dute. Eta hori lortzeko diru bilketa ere abiarazi dute. Itsulapikoak daude jarrita okindegian, Bolian eta Edurtzan. Eta “enpresaren batek dirulaguntza-edo eman nahi badu”, horretara ere irekita daude (Ione Errasti: 695 18 00 95 eta Ibai Kortabarria: 617 68 04 20).